ცენტრის ისტორია

ადამიანის რეპროდუქციის სამეცნიერო-კვლევითი ინსტიტუტი მსოფლიოში პირველი დაწესებულებაა (დაარსდა პროფესორმა იოსებ ჟორდანიამ 1958 წელს), რომელმაც დაიწყო თავისი საქმიანობა რეპროდუქციის სფეროში.

მისი არსებობის მანძილზე ინსტიტუტში სისტემატურად ინერგება დიაგნოსტიკისა და მკურნალობის ყველა თანამედროვე მეთოდი. დღეს ის არის რეპროდუქციის ეროვნული ცენტრი საქართველოში.

ჟორდანიას ინსტიტუტის სახელს უკავშირდება რეპროდუქციული ჯანმრთელობის სფეროში მოღვაწე თითქმის ყველა წარმატებული კლინიკისა თუ ექიმის ცოდნა, გამოცდილება, ინოვაციები, რომლებიც დღეს არსებობს.

2016 წელს ჟორდანიას ინსტიტუტი გახდა VIVO MedicalGroup-ის წევრი და ჯგუფში გაწევრიანების შემდეგ მას სრული რემონტი ჩაუტარდა, გარემონტდა და ახალი შემადგენლობით დაიწყო ფუნქციონირება.

2017 წლის 8 ივნისს კლინიკის ოფიციალური გახსნა გაიმართა, რომელსაც ჯანდაცვის მინისტრი, მისი მოადგილე და მრავალი სხვა მნიშვნელოვანი ფიგურა დაესწრო.

ჟორდანიას კლინიკა არის ერთ-ერთი პირველი წამყვანი სპეციალიზებული ცენტრი ქალთა და მამაკაცთა რეპროდუქციული ჯანმრთელობისა და გინეკოლოგიის სფეროში. კლინიკაში დანერგილი მკურნალობის თანამედროვე მეთოდების სინთეზი, დიაგნოსტიკური კვლევები და მრავალწლიანი გამოცდილება უზრუნველყოფს უსაფრთხო და ეფექტურ მკურნალობას. პროფესიონალი ექიმების გუნდი თითოეულ პაციენტს უწევს მაღალი ხარისხის სამედიცინო მომსახურებას მკურნალობის საერთაშორისო სტანდარტებისა და პაციენტისადმი ინდივიდუალური მიდგომის გათვალისწინებით.