პაციენტის ისტორია -გზა ინვიტრო განაყოფიერებამდე

გზა ინვიტრო განაყოფიერებამდე საკმაოდ გრძელი და რთული აღმოჩნდა, ამ გადაწყვეტილებამდე დიდი ხნის განმავლობაში მივდიოდით, ბევრს ვკითხულობდით ვეცნობოდით სხვადასხვა წყვილების გამოცდილებებს, მე და ჩემი მეუღლე საათობით ვისხდით ფორუმებზე და  სიღრმისეულად ვსწავლობდით ყველაფერს .ჩვენი ისტორია იყო ესეთი, ორივეს მეც და ჩემს მეუღლესაც პრობლემა გვქონდა, რაც ჩვენ რეპროდუქციულ ფუნქციას და ორსულობას ხელს უშლიდა.რთული პრობლემის გამო, ვგეგმავდით უცხოეთში წასვლას და იქ მკურნალობას, თუმცა ბევრი მოკვლევის და ფიქრის შედეგად არჩევანი საქართველოზე კერძოდ  ჟორდანიას კლინიკაზე გავაკეთეთ. მისვლის დღიდან ჩვენ მთლიანად მივენდეთ კლინიკის გუნდს, სხვადასხვა კვლევები ჩავიტარეთ მეც და ჩემმა მეუღლემაც, შემდეგ გვქონდა დრო როდესაც საბოლოო გადაწყვეტილება უნდა მიგვეღო  ინვიტრო განაყოფიერების  პროცედურის ჩატარებაზე. საკმაოდ რთული იყო ამ გადაწყვეტილების მიღება, მაგრამ გადავწყვიტეთ  დავგეგმეთ დღე და შემდეგ იყო ბევრი ღელვა იმაზე თუ რა შედეგით დასრულდებოდა. ამ დროის განმავლობაში ბევრს ვკითხულობდი, იმის შესახებ თუ რაოდენ მნიშვნელოვანია ფსიქოლოგიური განწყობა. ჩემს თავზე ვმუშაობდი და განვეწყე იმ შედეგისთვის, რომელიც ძალიან მალე დადგა.

ყველაზე ბედნიერი დღე ჩვენი ოჯახისთვის ის დღეა, როდესაც ჩვენს ულამაზეს ახალდაბადებულ  გოგონასთან ერთად სახლში დავბრუნდით

დიდი მადლობა  ჟორდანიას კლინიკის ყველა სპეციალისტს, ვინც თავიდანვე იყო ჩართული ჩვენს  „მოგზაურობაში“ და განვლო  ეს რთული და შედეგიანი გზა ჩვენთან ერთად.

ჟორდანიას კლინიკის პაციენტი