მომზადება

ანალიზები ჰორმონებზე (ესტრადიოლი, ფოლიკულომასტიმულირებელი ჰორმონი (FSH), პროლაქტინი, პროგესტერონი, მალუთეინიზებელი და სომატოტროპული ჰორმონები, ანდროგენები, აგრეთვე ფარისებრი ჯირკვლის ჰორმონები);
გინეკოლოგიური გამოკვლევა (ნაცხი ფლორაზე, ცერვიკალური არხის შიგთავსის ციტოლოგიური ანალიზი);
ულტრაბგერითი გამოკვლევა ანალიზები ინფექციებზე (ურეთაპლაზმა, გარდნერელა, ქლამიდია, გონოკოკები, მიკოპლაზმები, ადამიანის პაპილომავირუსი (HPV) და ციტომეგალოვირუსი (CMV), აივ, სიფილისი, ტოქსოპლაზმოზი, ანტისხეულები წითურას ვირუსის მიმართ);
სისხლის ანალიზები (საერთო, ბიოქიმიური, გლუკოზაზე, ჰემოსტაზი და ა.შ.) და შარდის ანალიზი (საერთო);
მამაკაცისთვის - სპერმოგრამის ჩაბარება.
ჩვენებების მიხედვით რეპროდუქტოლოგს შეუძლია გირჩიოთ: ჰისტეროსკოპია, ლაპაროსკოპია, ჰისტეროსონოგრაფია და სხვა ინსტრუმენტული კვლევები.

ოვულაციის სტიმულირება

ქალის ჩასახვისთვის მომზადებისას აუცილებელია საკმარისი რაოდენობის კვერცხუჯრედის მიღება. ამისათვის ტარდება სტიმულაცია ჰორმონალური პრეპარატებით, რომელთა ზეგავლენით ქალის ორგანიზმში მიმდინარეობს დიდი რაოდენობით ფოლიკულების ზრდა. ექიმი რეპროდუქტოლოგი აკვირდება ფოლიკულების ზრდას და აკონტროლებს მას ულტრაბგერითი მეთოდის საშუალებით. როდესაც ფოლიკულები გარკვეულ ზომას აღწევენ, ხდება კვერცხუჯრედების შეგროვება.
ეტაპის ხანგრძლივობა: 8-14 დღე.

კვერცხუჯრედების მიღება

კვერცხუჯრედების აღება წარმოებს ტრანსვაგინალური პუნქციის საშუალებით, რომელიც მსუბუქი ანესთეზიის (ნარკოზის) ქვეშ ტარდება, ამიტომ აბსოლუტურად უმტკივნეულოა. კვერცხუჯრედების შეგროვება აბსოლუტურად უვნებელია ქალის ორგანიზმისთვის.
ხანგრძლივობა: დაახლოებით 30 წთ, დამოკიდებულია ფოლიკულების რაოდენობაზე

სპერმატოზოიდების მიღება

მამაკაცი სპეციალურ პირობებში აბარებს სპერმას შემდგომი განაყოფიერებისთვის. ბიოლოგიური მასალის ჩაბარებამდე მამაკაცმა 2-3 დღის განმავლობაში თავი უნდა: შეიკავოს ინტიმური ურთიერთობისგან, 7-10 დღის განმავლობაში გამორიცხოს ალკოჰოლის მოხმარება და გადახურება (საუნა და აბანო).

ხელოვნური განაყოფიერება

მიღებული კვერცხუჯრედების მეუღლის სპერმატოზოიდით განაყოფიერება ხდება in vitro (სინჯარაში). განაყოფიერებულ უჯრედებს (ემბრიონებს) 3-5 დღით ათავსებენ ინკუბატორში, რომელიც მაქსიმალურად არის მიახლოებული ქალის ორგანიზმის პირობებთან. 3-5 დღის განმავლობაში ემბრიოლოგი აკონტროლებს ემბრიონების მდგომარეობას ინკუბატორში, ყოველწუთიერად ხორციელდება მაჩვენებლების კონტროლი, რომლებიც გამოსახულია მონიტორზე.
ხანგრძლივობა: 3-5 დღე

ემბრიონის შეყვანა საშვილოსნოს ღრუში

როდესაც ემბრიონები განვითარების გარკვეულ სტადიას მიაღწევენ, მე-5-6 დღეს ისინი საშვილოსნოს ღრუში გადააქვთ. გადატანა ხორციელდება სპეციალური ელასტიური კათეტერის საშუალებით. პროცედურა უმტკივნეულოა, ამიტომ არ საჭიროებს ანესთეზიას (ნარკოზს).
ხანგრძლივობა: 5-10 წთ

ჰორმონალური მხარდაჭერა ქალებისთვის

ემბრიონის ქალის საშვილოსნოს ღრუში გადატანის შემდეგ, 2 კვირის განმავლობაში ტარდება ქალის ორგანიზმის სპეციალური ჰორმონალური მხარდაჭერა ორსულობის შესანარჩუნებლად.
ხანგრძლივობა: 14 დღე

ორსულობის დადასტურება

ჰორმონალური მხარდაჭერის დასრულების შემდეგ ტარდება ორსულობის ტესტი, ერთი კვირის შემდეგ კი ტარდება ულტრაბგერითი გამოკვლევა.
ხანგრძლივობა: 12-14 დღე