სიმპტომები

• ძლიერი ცხელი ციმციმები, რომელსაც თან ახლავს სიცხის შეგრძნება თავში და გულმკერდში, ტემპერატურის უმნიშვნელო მატება
• გაძლიერებული ოფლიანობა ღამით
• პერიოდული თავბრუსხვევა
• გაზრდილი არტერიული წნევა, რომელიც არ არის დაკავშირებული ჰიპერტენზიასთან
• სისუსტე
• განწყობის ცვლილებები, ემოციური ცვალებადობა, გაღიზიანება

ფაქტორები

ჩვენი სხეულის თითქმის ყველა ორგანოსა და ქსოვილს აქვს ჰორმონების - ესტრადიოლისა და პროგესტერონის ამღქმელი რეცეპტორები. ასაკთან ერთად, ეს ჰორმონები მცირდება, ამიტომ მენოპაუზის დაწყებისთანავე შეიძლება ყველა ორგანოთა სისტემიდან განვითარდეს სხვადასხვა გამოვლინება. ეს ძირითადი გამოვლინებები მოიცავს:

• თვალების ლორწოვანი გარსის სიმშრალე;
• ოსტეოპოროზი, ესტროგენის დაქვეითების ერთ-ერთი ყველაზე მნიშვნელოვანი შედეგი გართულების თვალსაზრისით;
• პაროდონტოზი;
• კანის სიმშრალე და დაქვეითებული ელასტიურობა, კოლაგენის შემცირების გამო;
• გულ-სისხლძარღვთა სიმპტომები;
• ცისტიტი და ურეთრიტი;
• მცირე მენჯის ღრუს ორგანოების პროლაფსი, შარდის შეუკავებლობა;
• ატროფიული ვაგინიტი.

სახეები

მენოპაუზის საშუალო ასაკი 47-50 წელია. 40-44 წელი მენოპაუზის ადრეული დასაწყისია. ნაადრევი მენოპაუზა ან საკვერცხეების ნაადრევი უკმარისობა კი 40 წლამდე ვითარდება.

დიაგნოსტიკა

მენოპაუზის დიაგნოზის დაზუსტებისთვის საჭიროა პაციენტის ჩივილებისა და სიმპტომების შესწავლა, დაავადების ისტორიის შესწავლა, გასინჯვა გინეკოლოგიურ სავარძელზე, გინეკოლოგიური ექოსკოპიისა და ჰორმონალური ანალიზების ჩატარება.

მკურნალობა

ჟორდანიას კლინიკა მენოპაუზისა და პოსტმენოპაუზის მკურნალობის თანამედროვე მეთოდებს იყენებს. თითოეულ შემთხვევაში მკურნალობის ტაქტიკა ინდივიდუალურია. მკურნალობის მთავარი პრინციპია ჰორმონჩანაცვლებითი თერაპია, დამატებით ინიშნება ვიტამინები და მიკროელემენტები საჭიროებისამებრ.

რეაბილიტაცია

როგორც წესი, მენოპაუზის და პოსტმენოპაუზის მკურნალობა გრძელვადიანია. ზოგიერთი პრეპარატი ინიშნება მუდმივად.

მე ჯანმრთელი ვარ

ქალისთვის ძალიან მნიშვნელოვანია ჯანმრთელობა ინტიმურ სფეროში, ეს გავლენას ახდენს როგორც ფიზიკურ, ასევე ფსიქოლოგიურ მდგომარეობაზე. ჟორდანიას კლინიკის სპეციალისტები და ტექნოლოგიები საშუალებას გაძლევთ სწრაფად და ეფექტურად მოიპოვოთ ფიზიკური და ფსიქოლოგიური ჯანმრთელობა.