სიმპტომები

• ტკივილი მუცლის ქვედა და წელის არეში, ტკივილის ინტენსივობა და ლოკალიზაცია დამოკიდებულია კვანძების ზომასა და მდებარეობაზე;
• მენსტრუალური ციკლის დარღვევა, რომელიც გამოიხატება უხვი და გახანგრძლივებული მენსტრუალური სისხლდენით, კოლტების არსებობით მენსტრუალური სისხლდენის დროს, მტკივნეული მენსტრუაციით;
• უნაყოფობა;
• შეწყვეტილი ორსულობა;
• სხვა ორგანოების ფუნქციის დარღვევა, მაგ: გახშირებული შარდვა, ყაბზობა, ვენური შეგუბება, ბუასილი და ა.შ.

ფაქტორები

საშვილოსნოს ლეიომიომის გამომწვევი ზუსტი მიზეზი უცნობია, თუმცა არსებობს მოსაზრება რომ მათი განვითარება დაკავშირებულია ჰორმონ ესტროგენთან. ლეიომიომები ჩვეულებრივ ვითარდება ქალის რეპროდუქციულ ასაკში (დაახლოებით 16-დან 50 წლამდე), როდესაც ესტროგენის დონე ყველაზე მაღალია. ისინი წყვეტენ ზრდას ან პატარავდებიან როდესაც ესტროგენის დონე დაბალია, მაგალითად, მენოპაუზის პერიოდში. ფაქტორები:

• ორსულობისა და მშობიარობის არარსებობა პირად ანამნეზში (ორსულობის დროს ესტროგენების მოქმედება მცირდება);
• ჭარბი წონა და სიმსუქნე, რაც იწვევს ესტროგენის დონის მატებას.

სახეები

საშვილოსნოს ლეიომიომის ტიპებს განასხვავებენ ლოკალიზაციის მიხედვით:

• სუბსეროზული ფორმა - კვანძი მდებარეობს საშვილოსნოს გარეთა - სეროზულ შრეში;
• ინტრამურული ფორმა - კვანძი მდებარეობს საშვილოსნოს შუა - კუნთოვან შრეში;
• სუბმუკოზური ფორმა - კვანძი მდებარეობს საშვილოსნოს შიდა - ლორწოვან შრეში, რაც ახდენს ღრუს დეფორმაციას;
• ლეიომიომა ფეხზე;
• საშვილოსნოს ლეიომიომის შერეული ფორმები

დიაგნოსტიკა

საშვილოსნოს ლეიომიომის ზუსტი დიაგნოზის დასასმელად აუცილებელია დაავადების სრული ისტორიის შესწავლა, გასინჯვა გინეკოლოგიურ სკამზე, ჰორმონალური კვლევები, ულტრაბგერა დოპლეროგრაფიით, რაც განსაზღვრავს მარტივ და პროლიფერაციულ ფორმებს. გამოკვლევის ეს მეთოდი არის ოქროს სტანდარტი.
ჰისტეროსკოპია, ლაპაროსკოპია, საჭიროების შემთხვევაში, MRI, CT.

მკურნალობა

ჟორდანიას კლინიკაში საშვილოსნოს ლეიომიომების სამკურნალოდ გამოიყენება თანამედროვე მეთოდები, როგორც კონსერვატიული, ასევე ქირურგიული.
ქირურგიული მეთოდები:
საშვილოსნოს ლაპაროსკოპიული ამოკვეთა გულისხმობს საშვილოსნოს ამოკვეთას ვაგინალური მიდგომით.
მიომექტომია (ლაპაროსკოპია ან ჰისტეროსკოპია) გულისხმობს მიომის კვანძის მოცილებას რეპროდუქციული ორგანოების შენარჩუნებით, კერძოდ საშვილოსნოს შენარჩუნებით, რეპროდუქციული ასაკის ქალებში.
ჰისტერორეზექტოსკოპია, გულისხმობს სუბმუკოზური კვანძების მოცილებას ვაგინალური მიდგომით.
არა ქირურგიული მეთოდები:
საშვილოსნოს არტერიების ემბოლიზაცია, რომელიც დღეს ქირურგიული მკურნალობის ალტერნატივაა.
მიომატოზური კვანძების აბლაცია MRI კონტროლის ქვეშ.
მედიკამენტოზური მკურნალობა - ჰორმონალური პრეპარატების კომპლექსური შერჩევა.

რეაბილიტაცია

ოპერაციული მკურნალობის შემდეგ, პაციენტი მეორე დღეს ეწერება ბინაზე. 6 თვის შემდეგ უკვე შეგიძლიათ ორსულობის დაგეგმვა.

მე ჯანმრთელი ვარ

ქალისთვის ძალიან მნიშვნელოვანია ჯანმრთელობა ინტიმურ სფეროში, ეს გავლენას ახდენს როგორც ფიზიკურ, ასევე ფსიქოლოგიურ მდგომარეობაზე. ჟორდანიას კლინიკის სპეციალისტები და ტექნოლოგიები საშუალებას გაძლევთ სწრაფად და ეფექტურად მოიპოვოთ ფიზიკური და ფსიქოლოგიური ჯანმრთელობა.