სიმპტომები

• ჭარბი მენსტრუალური სისხლდენა
• მენსტრუალური სისხლდენა კოლტების სახით
• სისხლიანი გამონადენი საშოდან, რომელიც არ არის დაკავშირებული მენსტრუალურ სისხლდენასთან და შეიძლება განვითარდეს ციკლის ნებისმიერ დღეს
• სისხლდენა მენოპაუზის დროს

ფაქტორები

ენდომეტრიუმის ჰიპერპლაზიის მთავარი მიზეზი ქალის სასქესო ჰორმონების დისბალანსია.
ჰიპერპლაზიის განვითარების ხელშემწყობი ფაქტორები:

• ჰორმონალური დარღვევები, რომლის შედეგია ესტროგენის რაოდენობის მატება და პროგესტერონის შემცირება.
• თანმხლები დაავადებები: ფარისებრი ჯირკვლისა და სარძევე ჯირკვლების დაავადებები, შაქრიანი დიაბეტი, არტერიული
• ჰიპერტენზია, სიმსუქნე, ანთებითი დაავადებები, აბორტი, პოლიკისტოზური საკვერცხეების სინდრომი, გენეტიკური ფაქტორი.

სახეები

1. მარტივი ჯირკვლოვანი ჰიპერპლაზია, რომლის დროსაც მრავლდება ჰისტომორფოლოგიურად ნორმალური უჯრედები
2. კომპლექსური ატიპიური ჰიპერპლაზია რომლის დროსაც მრავლდება ატიპიური უჯრედები და არის პრეკანცერული მდგომარეობა

დიაგნოსტიკა

ენდომეტრიუმის ჰიპერპლაზიის ზუსტი დიაგნოზის დასასმელად აუცილებელია დაავადების სრული ისტორიის შესწავლა, გინეკოლოგიურ სკამზე გასინჯვა და გინეკოლოგიური ექოსკოპია.
დაავადების დასადასტურებლად ტარდება ენდომეტრიუმის პაიპელ-ბიოფსია საშვილოსნოს ლორწოვანი შრიდან აღებული მასალის ჰისტოლოგიური გამოკვლევისთვის.
ჩვენების მიხედვით შეიძლება ჩატარდეს ჰისტეროსკოპია შემდგომი ბიოფსიით და ჰისტოლოგიური გამოკვლევით. ჰორმონალური გამოკვლევები.

მკურნალობა

ჟორდანიას კლინიკაში ენდომეტრიუმის ჰიპერპლაზიის მკურნალობა სამედიცინო შემთხვევათა უმეტესობაში ქირურგიულია. ენდომეტრიუმის ჰიპერპლაზიის ქირურგიული მკურნალობა გულისხმობს ჰისტეროსკოპიას და ჰისტერორეზექტოსკოპიას. ჰისტეროსკოპია საშუალებას იძლევა ჰიპერპლაზიის კერებისა და ენდომეტრიუმის პოლიპების აღმოჩენის. სპეციალური ელექტრო მარყუჟით ვიზუალური კონტროლის ქვეშ შორდება ჰიპერპლაზიის, პოლიპების, ადჰეზიების უბნები და მიღებული მასალა შეისწავლება ჰისტოლოგიურად.

რეაბილიტაცია

ჰისტერორეზექტოსკოპიის შემდეგ პაციენტი მეორე დღეს ეწერება ბინაზე. მარტივი ჰიპერპლაზიის დროს მომდევნო მენსტრუალური ციკლიდან შეიძლება ორსულობის დაგეგმვა.

მე ჯანმრთელი ვარ

ქალისთვის ძალიან მნიშვნელოვანია ჯანმრთელობა ინტიმურ სფეროში, ეს გავლენას ახდენს როგორც ფიზიკურ, ასევე ფსიქოლოგიურ მდგომარეობაზე. ჟორდანიას კლინიკის სპეციალისტები და ტექნოლოგიები საშუალებას გაძლევთ სწრაფად და ეფექტურად მოიპოვოთ ფიზიკური და ფსიქოლოგიური ჯანმრთელობა.